بعد وقوع قتلى وجرحى في وليمة أعدها في الجامع الأموي، خرج الشيف أبو عمر يخرج عن صمته ليوضح حقيقة ما حصل بالكامل.
الشيف أبو عمر يخرج عن صمته
وقال في تصريح: “أنا ماعملت عزيمة للفقراء ولا للمساكين ولا هي صدقة انا عملتها بمناسبة النصر والتحرير بالنسبة لـ يلي مـاتـو نحن رح نسأل أهل العرف والمشايخ بالبلد”.
وأضاف: “إذا نحن بيطلع علينا دية أو أي شي نحن جاهزين ، واذا سمحولنا رح نزورهم ونوقف جمبهم ونعمل عزاء وبالنسبة يلي اتصـاوبو اجر وعافية رح نزورهم ونحطهم بأفضل المشافي أنا ماعم اعطي حدا حسن نية.
أنا تركت كل شغلي وكنت كتير مضغوط بس حبيت أنزل أفرح مع اهلي وأعمل هالعزيمة لنكون مع بعضنا الله بيعلم اديش انطبخ أكل واديش واجهتني متاعب بالنزلة والطبخ والتنسيق بجيب المواد.
تعبنا لمدة 12 يوم نخن وعم نحضر لهالعزيمة وأخر شي بيجي واحد بقول هي صدقة ولازم تخفيها وأنا قلت هي عزيمة منشكر الحكومة السـورية ومحافظ دمشق ومديرية الأوقاف وجهاز الأمن العام يلي وقفو معنا بالترتيبات ويلي قاعد عم يحكي ويقول أنو ما تنسقت.
لاء نحن كان معنا رخص وتنظيم وكل الأمور لكن الضغط والتدافع كان أقوى، ومع هالشي قدر الله وماشاء فعل واخيراً منقول ليلي حابب يصطاد بالمي العكرة عيب عيب لأن هلئ مو وقت للتريند على حسابنا ، هلئ وقت انك تزعل ع الشي اللي صار “.
وشهد الجامع الأموي في العاصمة السورية دمشق، الجمعة، فوضى عارمة بسبب “عزيمة طعام” أقامها الشيف أبو عمر، المشهور على منصات التواصل الاجتماعي.
وقال الدفاع المدني السوري في بيان: “وفاة 3 نساء وتعرض 5 أطفال لكسور ورضوض شديدة وإغماء، في حصيلة أولية، إثر حدوث تدافع في المسجد الأموي بدمشق ظهر اليوم الجمعة، بالتزامن مع ازدحام شديد لوجود فعالية نظمها مدنيون، استجابت فرقنا إلى جانب فرق أخرى، وأسعفت فرقنا طفلة وانتشلت جثمان امرأة من المسجد”.
وكان الشيف أبو عمر قد نشر عبر حسابه على “يوتيوب” و”انستغرام” مقاطع فيديو توثق فيه عملية التحضير للعزيمة في الجامع الأموي.
وكالة ستيب
About The Author
